Útbreiðsla | Frábær mæting á Akranesi

HSÍ í samstarfi við ÍA voru með fyrstu handboltaæfingarnar á Akranesi sl. sunnudag. Boðið var upp á æfingar fyrir 1. – 4. bekk og 5. – 7. bekk og voru það Kolbrún Helga Hansen og Jörgen Freyr Ólafsson Naabye sem héldu utanum um æfingarnar að þessu sinni.

Viðtökurnar voru framar vonum en í heildina mættu um 150 krakkar á sunnudaginn og því mikil bjartsýni með framhaldið. Æfingar verða áfram næstu helgar, fram á vor en það er von okkar að þessi byrjun ýti undir kraftmikið handknattleiksstarf á Akranesi frá næsta hausti.

Að sjálfsögðu eru allir velkomnir á æfingarnar, næstu æfingar verða sunnudaginn 12. febrúar og má sjá æfingatímana hér fyrir neðan:

1. – 4. bekkur
kl. 14:00 – 15:00

5. – 7. bekkur
kl. 15:00 – 16:00

Við hvetjum alla til að koma og prófa!