Gleðilega Alþjóða Handknattleiksviku

Dagana 12.–18. júlí 2026 stendur yfir Alþjóðleg handknattleiksvika (International Handball Week), árleg hátíð sem sameinar handknattleikshreyfinguna um allan heim. Að þessu sinni er tilefnið sérstaklega veglegt þar sem Alþjóðahandknattleikssambandið (IHF) fagnar 80 ára afmæli sínu.

Alþjóðleg handknattleiksvika var fyrst haldin árið 2020 og hefur síðan orðið fastur liður í alþjóðlegu handknattleiksdagatalinu. Vikunni er ætlað að vekja athygli á fjölbreytileika íþróttarinnar og hvetja landsambönd, félög, leikmenn, sjálfboðaliða og stuðningsfólk til að fagna handknattleiknum með fjölbreyttum viðburðum og verkefnum.

HSÍ óskar öllu handknattleiksfólki, starfsfólki, sjálfboðaliðum og öðrum áhugafólki innilegar kveðjur.

Í ár verður sérstök áhersla lögð á sögu handknattleiksins, öfluga stöðu hans í dag og þau fjölmörgu tækifæri sem framtíðin ber í skauti sér. Um leið er minnt á að handknattleikur er íþrótt fyrir alla – hvort sem um er að ræða þá sem eru að stíga sín fyrstu skref eða hafa fylgt íþróttinni í áratugi.