Ísland og Pólland mætast kl 12:00 í fyrsta leik í milliriðlum EM U-20. Leikurinn fer fram í Sydbank Arena, en það er fyrsti leikur strákanna í höllinni. Bæði lið þurfa nausynlega á sigri að halda til að eiga möguleika á að komast lengra í mótinu.

Eftir svekkjandi jafntefli við Spánverja í síðasta leik eru strákarnir staðráðnir í að klára þennan leik af fullum krafti.

Liðin mættust í undankeppninni fyrir EM núna í apríl ásamt Ítalíu og Búlgaríu en leikið var í Póllandi.

Bæði liðin komust nokkuð þægilega áfram en Ísland vann undankeppnina með
31-25 sigri á Pólverjum.

Pólland spilaði í A-riðli með Frökkum, Sviss og Serbum. Pólverjar byrjuðu á sigri á móti Sviss
21-18. Næst léku þeir við Frakka þar sem þeir töpuðu með 14 marka mun,
20-34. Pólverjar tryggðu sér svo sæti í milliriðlinum með sigri á Serbum
33-27.

Pólverjar tóku, eins og Íslendingar, þátt í HM U-19 í Rússlandi í fyrra og EM U-18 2014, þeir enduðu í
19. sæti á HM en
6. sæti á EM.

Íslensku strákarnir munu mæta grimmir til leik, svara fyrir jafnteflið gegn Spánverjum og tryggja sér 2 stig.

Allar upplýsingar um EM má finna á hér.

Stöðuna í mótinu má sjá hér.

Leikurinn hefst kl 12:00 og beina útsendingu má nálgast hér.

Samfélagsmiðlarnir verða á sínum stað,
Twitter,
Instagram og
Vine

Snapchat – u96.strakarnir