U-18 karla | Naumt tap gegn heimamönnum

Strákarnir okkar mættu heimamönnum í Þýskalandi á Nations Cup i Lübeck í kvöld. Leikurinn var í járnum nær allan leikinn en það var rétt um miðjan seinni hálfleik sem Þjóðverjar náðu sex marka forskoti þar sem okkar menn voru reknir oft út af á þessum kafla. Þegar um tíu mínútur lifði leiks eignuðu okkar strákar sér leikinn og léku á alls oddi. Þegar um mínúta var eftir áttu okkar strákar möguleika að jafna leikinn en skotið geigaði og Þjóðverjar skoruðu seinasta mark leiksins. Lokastaða 32-34.

Flottur leikur hjá okkar strákum þrátt fyrir tveggja marka tap. Þessir leikir sem Íslendingar léku á mótinu hafa nýst liðinu mjög vel og er góður undirbúningur fyrir EM í Svartfjallalandi í ágúst.

Markaskor:
Elmar Erlingsson 5, Sigurður Snær Sigurjónsson 5, Skarphéðinn Ívar Einarsson 5, Atli Steinn Arnarson 4, Andrés Marel Sigurðsson 3, Kjartan Þór Júlíusson 3, Þorvaldur Örn Þorvaldsson 2, Össur Haraldsson 2, Andri Fannar Elísson 1, Birkir Snær Steinsson 1, Sæþór Atlason 1.

Markvarsla:
Breki Hrafn Arnason 7 skot og Ísak Steinsson 2 skot

Á myndinni má sjá Andrés Marel Sigurðsson og Sigurð Snæ Sigurjónsson en þeir áttu flottan leik.

#handbolti #u18karla #strakarnirokkar