Ísland tapaði í dag gegn sterku liði Slóveníu á EM í Makedóníu. Fyrir leikinn var ljós að um við ramman reip var að draga. Slóvenar voru taplausar og með virkilega sterkt lið.
Slóvenar náðu fljótt yfirhöndinni og létu hana í raun aldrei af hendi. Íslensku stelpurnar áttu virkilega erfitt með að brjóta vörn Slóveníu á bak aftur og erfiðlega gekk að skora. Staðan í hálfleik var 14-8 fyrir Slóvena.
Síðari hálfleikur var nánast endurtekning af þeim fyrri. Slóvenar unnu síðari hálfleikinn 14-7 og unnu leikinn mjög sannfærandi 28-15.
Þrátt fyrir að Slóvenar séu með mjög sterkt lið þá hefði munurinn getað verið minni á liðunum hefði íslenska liðið spilað af eðlilegri getu.
Markaskorarar Íslands í leiknum:
Harpa María Friðgeirsdóttir 7, Lena Margrét Valdimarsdóttir 4, Erna Guðlaug Gunnarsdóttir 1, Embla Jónsdóttir 1, Ísabella María Eriksdóttir 1, Tinna Sól Björgvinsdóttir 1.
Margét Einarsdóttir varði 6 skot og Sara SIf Helgadóttir varði 3 skot.
Harpa María Friðgeirsdóttir var yfirburðarmaður í íslenska liðinu í leiknum og var valinn best í íslenska liðinu að leik loknum.
Næsti leikur liðsins er gegn Ísrael á morgun laugardag kl 15 að íslenskum tíma.