Ísland og Slóvenía mættust nú rétt í þessu í undanúrslitum heimsmeistaramóts U-19 í Rússlandi.
Leiknum lyktaði með 30-31 sigri Slóvena. Ísland leikur því um 3. sætið á morgun kl 10:30 gegn annaðhvort Spánverjum eða Frökkum, en undanúrslitaleikur þeirra hefst kl 13:00.
Ísland byrjaði mun betur í leiknum og komust strákarnir í 4-0 áður en þjálfari Slóveníu tók leikhlé. Slóvenar virtust vakna við leikhléið og eftir 10 mín var staðan 6-3. Jafnræði var með liðunum í fyrr hálfleik eftir þessa góðu byrjun Íslands. Eftir 20 mín leik var staðan 9-5 og í hálfleik var staðan 15-11.
Seini hálfleikur byrjaði ekki nógu vel hjá okkar mönnum og minnkuðu Slóvenarnir muninn hægt og rólega. Eftir 40 mín leik var staðan 19-18. Ísland náði þó aftur undirtökunum í leiknum og juku muninn afur í 4 mörk á 46 mín. Þá tóku Slóvenarnir góðan kafla aftur. Eftir 50 mínútna leik var staðan 25-23. Slóvenar jöfnuðu svo leikinn 26-26 á 55 mín og komust 2 mörkum yfir 27-29 á 57 mín. Alls ekki góður kafli hjá íslenska liðinu. Ísland náði aldei að jafna leikinn eftir þetta og lokatölur urðu 30-31 fyrir Slóveníu.
Markahæsti maður Slóvena, Blaz Janc, reyndist íslenska liðinu erfiður en hann skoraði 11 mörk.
Ísland leikur því um 3. sætið á morgun gegn annaðhvort Frakklandi eða Spáni. Leikurinn hefst kl 10:30.
Markahæstu menn:
Hákon Styrmisson – 7
Ómar Magnússon – 6
Óðinn Ríkharðsson – 5
Egill Magnússon – 5
Arnar Arnarsson – 3
Sturla Magnússon – 1
Aron Pálsson – 1
Ýmir Gíslason – 1
Sigtryggur Rúnarsson – 1
Markvarsla:
Grétar Guðjónsson – 15/45 (33%)
Einar Baldvinsson – 0/1
Nánari upplýsingar um leikinn frá IHF:
http://ihf.info/files/CompetitionData/159/pdf/87OMR.pdf
http://ihf.info/files/CompetitionData/159/pdf/87MTR.pdf
http://ihf.info/files/CompetitionData/159/pdf/87PbP.pdf
http://ihf.info/files/CompetitionData/159/pdf/87FTR.pdf
Fylgist endilega með okkur á Facebook Twitter, Instagram og Vine
https://www.facebook.com/handknattleikssambandislands
https://twitter.com/hsi_iceland
https://instagram.com/hsi_iceland/
https://vine.co/u/1173677325766844416
Mynd Stéphane Pillaud/IHF