Sigur á Spánverjum – Brons á HM U-19

Íslendingar mættu Spánverjum í leik um 3. sæti á heimsmeistaramóti U-19 í Rússlandi.

Lokatölur 26-22 og Ísland tekur því bronsverðlaunin á mótinu. Glæsilegur árangur.

Mikið jafnræði var á liðunum í upphafi leiks og munaði lengi vel ekki meira en 2 mörkum á liðunum. Ísland var þó skrefinu á undan. Eftir 10 mín leik var staðan 5-4. Í stöðunni 8-8 á 18 mínútu setti íslenska vörnin hinsvegar í lás og skoruðu Spánverjar ekki mark í 12 mínútur, ekki fyrr en þeir skoruðu seinasta mark hálfleiksins og minnkuðu muninn í 12-9. Ísland því með 3 marka forystu í hálfleik.

Jafnræði var með liðunum í upphafi síðari hálfleiks og var staðan 17-14 eftir 40 mín.

Ísland náði þá góðum kafla, leiddu með 5 mörkum eftir 50 mín 22-17 og náðu mest 8 marka forystu, 25-17 þegar 7 mínútur voru eftir. Íslenska liðið slakaði aðeins á undir lokin en liðið sigldi sigrinum engu að síður örugglega í höfn 26-22.

Markahæstu menn:

Ómar Magnússon – 8

Óðinn Ríkharðsson – 4

Hákon Styrmisson – 4

Egill Magnússon – 4

Arnar Arnarsson – 2

Sigtryggur Rúnarsson – 2

Aron Pálsson – 1

Birkir Benediktsson – 1

Markvarsla:

Grétar Guðjónsson – 13/32 (41%) þar af 3 vítaköst

Einar Baldvinsson – 1/4 (25%)

Nánari upplýsingar um leikinn frá IHF:

http://ihf.info/files/CompetitionData/159/pdf/91OMR.pdf

http://ihf.info/files/CompetitionData/159/pdf/91MTR.pdf

http://ihf.info/files/CompetitionData/159/pdf/91PbP.pdf

http://ihf.info/files/CompetitionData/159/pdf/91FTR.pdf

Fylgist endilega með okkur á Facebook Twitter, Instagram og Vine

https://www.facebook.com/handknattleikssambandislands

https://twitter.com/hsi_iceland

https://instagram.com/hsi_iceland/

https://vine.co/u/1173677325766844416

Myndir Stéphane Pillaud/IHF

Mynd Stéphane Pillaud/IHF

Mynd Stéphane Pillaud/IHF