Mótanefnd HSÍ hefur borist þátttökutilkynning frá 18 karlaliðum og 14 kvennaliðum fyrir keppnistímabilið 2015-2016.

Tvö ný lið koma inn hjá konunum en það eru Afturelding og Fjölnir. HSÍ vill sérstaklega bjóða þau velkomin til leiks.

Í Olís deild karla verða 10 lið og leikin þreföld umferð og 8 liða úrslitakeppni um Íslandsmeistaratitilinn. Tvö lið falla úr deildinni.

Í 1.deild karla verða 8 lið og leikin þreföld umferð og fer efsta liðið ásamt sigurvegara úr umspili liðanna í 2.-5.sæti í efstu deild.

Í Olís deild kvenna verða 14 lið og er leikin tvöföld umferð í deildarkeppni og 8 liða úrslitakeppni um íslandsmeistaratitil.

Þar sem 14 lið eru skráð til leiks mun deildin skiptast í Úrvalsdeild og 1.deild að þessu keppnistímabili loknu að því gefnu að liðum mun ekki fækka. 8 liða verða því í Olís kvenna tímabilið 2016-2017 og munu því liðin í sætum 9 til 14 leika í 1.deild það keppnistímabil.

Deildarskiptingin á næsta ári er eftirfarandi:

Olís deild karla

Afturelding, Akureyri, FH, Fram, Grótta, Haukar, ÍBV, ÍR, Valur og Víkingur

Olís deild kvenna

Afturelding, FH, Fjölnir, Fram, Fylkir, Grótta, Haukar, HK, ÍBV, ÍR, KA/Þór, Selfoss, Stjarnan og Valur

1.deild karla

Fjölnir, Hamrarnir, HK, ÍF Mílan, KR, Selfoss, Stjarnan og Þróttur