Strákarnir í U-18 ára landsliðinu byrjuðu úrslitakeppni EM sem haldin er í Póllandi af krafti. Þeir unnu sterkt lið Serba 29-24 eftir að hafa verið undir í hálfleik 13-14. Frábær kafli í byrjun seinni hálfleiks lagði grunninn að sigrinum, en á þessum kafli smelltu strákarnir í lás í vörninni, Einar Baldvin stóð sig frábærlega í markinu og hraðaupphlaupin voru vel smurð. Á fyrstu 10 mín seinni hálfleiks skoruðu strákarnir 10 mörk gegn 1 og breyttu stöðunni úr 13-14 í 23-15.

 

Óðinn Ríkharðsson var útnefndur maður leiksins af dómnefnd mótsins en hann skoraði 7 mörk.