Anton Gylfi Pálsson og Jónas Elíasson verða í eldlínunni á úrslitahelgi Meistaradeildar Evrópu 26. – 27. maí nk.

Þar dæma þeir leik HC Vardar frá Makedóníu og Montpellier HB frá Frakklandi í undanúrslitum en þess má geta að Vardar vann keppnina fyrir ári síðan.

Þetta er mikill heiður fyrir Anton og Jónas en þetta er í annað sinn sem þeir taka þátt í úrslitahelginni. Fyrir 2 árum síðan dæmdu þeir leikinn um þriðja sætið en í þeim leik vann Paris sigur á Kiel.

Við óskum Antoni og Jónasi til hamingju með tilnefninguna og óskum þeim góðs gengis.

Á myndinni hér fyrir neðan sjáum við Anton Gylfi Pálsson og Jónas Elíasson, en á milli þeirra er svo eftirlitsmaðurinn góðkunni Kristján Halldórsson.