Coca Cola bikarinn | Handboltaveisla næstu daga

Undanúrslit Coca Cola bikars kvenna fara fram á morgun og marka þannig upphafið á úrslitahelgi Coca Cola bikarsins 2021. Fyrri undanúrslita leikurinn er viðureign Vals og Fram sem hefst kl. 18:00, KA/Þór mætir svo liði FH í seinni undanúrslita leiknum og hefst sú viðureign kl. 20:30.

Strákarnir hefja leik föstudaginn þegar Afturelding leikur gegn Valsmönnum og hefst leikurinn 18:00. Fram og Stjarnan mætast í seinni viðureign dagsins kl. 20:30.

Úrslitaleikir Coca Cola bikarsins eru spilaði á laugardaginn, konurnar hefja leika kl. 13:30 en úrslitaleikur Coca Cola bikar karla hefst kl. 16:00.

Að þessu sinni er leikið að Ásvöllum, allir leikir í undanúrslitum verða í beinni útsendingu á RÚV 2 en úrslitaviðureignirnar verða í beinni útsendingu á RÚV. Miðasala á leikina er í gegnum Stubbur app.

Mætum á völlinn og styðjum okkar lið!