Bikarkeppni HSÍ | Dregið í 32 úrslit bikarkeppni HSÍ í dag
Dregið verður í dag í 32 liða úrslit í bikarkeppni HSÍ karla og hefst drátturinn kl. 11:00 og verður streymt frá drættinum á Facebook síðu HSÍ.
Dregnar verða 3 viðureignir en 19 lið eru skráð til leiks.
Eftirfarandi lið eru skráð til leiks í bikarkeppni HSÍ í ár en þau eru: Afturelding, FH, Fjölnir, Fram, Grótta, Haukar, HK, Hörður, ÍBV, ÍBV 2, ÍR, KA, Kórdrengir, Selfoss, Stjarnan, Valur, Víðir, Víkingur og Þór.
Í pottinum verða 15 lið en þau lið sem sitja hjá eru:
- Valur (Íslandsmeistarar)
- KA (Lið í Evrópukeppni)
- Haukar (Lið í Evrópukeppni)
- ÍBV (Lið í Evrópukeppni)
- 9 síðustu liðin úr pottinum
Það lið sem fyrst dregst fær heimaleik. Þó skal það lið sem er í lægri deild eða félög utan deilda ávallt fá heimaleik gegn liði sem er úr efri deildum.
Leikið verður í 32 liða úrslitum fimmtudaginn 27. október og föstudaginn 28. október.
Dregið verður svo samhliða í 16 liða úrslit bikarkeppni HSÍ karla og kvenna um byrjun nóvember.