Úrskurður aganefndar 17. október 2023
Eftirtalin mál lágu fyrir og var tekið til úrskurðar:
- Ari Sverrir Magnússon leikmaður HK hlaut útilokun með skýrslu vegna grófs leikbrots í leik FH og HK í Olís deild karla þann 10.10.2023. Dómarar meta að brotið falli undir reglu 8:5 b). Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
- Emilia Ósk Steinarsdóttir leikmaður FH hlaut útilokun með skýrslu vegna sérstaklegrar hættulegrar aðgerðar í leik FH og Víkings í Grill deild kvenna þann 08.10.2023. Á síðasta fundi aganefndar var leikmaðurinn úrskurðaður í eins leiks bann. Við nánari athugun er það mat dómara að ákvörðunin hafi verið röng og hafa þeir því óskað eftir að draga spjaldið til baka. Fellst aganefnd á það og fellur málið því niður og er leikbannið því dregið til baka.
Fleiri mál lágu ekki fyrir.
Úrskurðinn kváðu upp Sverrir Pálmason, Arnar Kormákur Friðriksson og Ágúst Karl Karlsson