Úrskurður aganefndar 15. nóvember 2022
Eftirtalin mál lágu fyrir og var tekið til úrskurðar:
- Leonharð Þorgeir Harðarson leikmaður FH hlaut útilokun með skýrslu vegna grófs leikbrots í leik KA og FH í Olís deild karla þann 13.11.2022. Dómarar meta að brotið falli undir reglu 8:5 b). Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
- Einar Sverrisson leikmaður Selfoss hlaut útilokun með skýrslu vegna grófs leikbrots í leik Selfoss og Stjörnunnar í Olís deild karla þann 13.11.2022. Dómarar meta að brotið falli undir reglu 8:5 c). Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
- Grétar Áki Andersen þjálfari Vals hlaut útilokun með skýrslu vegna mjög grófrar ódrengilegrar hegðunar eftir leik HK og Vals í 4.flokki karla þann 13.11.2022. Dómarar meta að brotið falli undir reglu 16.11 c), sbr. reglur 8.10 a). Með tilvísun til 10. gr. reglugerðar HSÍ um agamál er það niðurstaða aganefndar að þjálfarinn er úrskurðaður í eins leiks bann. Aganefnd vekur jafnframt athygli á stighækkandi áhrifum leikbanna, skv. 1. mgr. 11. gr. sömu reglugerðar.
- Stefán Rafn Sigurmannsson leikmaður Hauka hlaut útilokun með skýrslu vegna grófs leikbrots í leik Hauka og Vals í Olís deild karla þann 14.11.2022. Dómarar meta að brotið falli undir reglu 8:5 b). Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
Fleiri mál lágu ekki fyrir.
Úrskurðinn kváðu upp Sverrir Pálmason, Arnar Kormákur Friðriksson og Ágúst Karl Karlsson