A karla | Ísland í riðli 3 í undankeppni EM 2026
Rétt í þessu var dregið í riðla fyrir undankeppni EM 2026 hjá A landsliði karla en mótið verður haldið í Danmörku, Svíþjóð og Noregi.
Strákarnir okkar voru í efsta styrkleikaflokki í drættinum í dag en liðunum er skipt upp í fjóra styrkleikaflokka sem dragast í 8 riðla með fjórum þjóðum í hverjum riðli. Ísland dróst í riðil 3 ásamt Grikkland, Bosnía og Hersegóvína og Georgía.
Riðlarnir eru eftirfarandi:
Riðill 1: Slóvenía, Norður Makedónía, Litháen, Eistland
Riðill 2: Ungverjaland, Svartfjallaland, Slóvakía, Finland
Riðill 3: Ísland, Grikkland, Bosnía og Hersegóvina, Georgía
Riðill 4: Spánn, Serbía, Ítalía, Lettland
Riðill 5: Króatía, Tékkland, Belgía, Lúxemborg
Riðill 6: Holland, Færeyjar, Úkraína, Kósavó
Riðill 7: Þýskaland, Austurríki, Sviss, Tyrkland
Riðill 8: Portúgal, Pólland, Rúmenía, Ísrael
Gestgjafarnir Danmörk, Svíþjóð, Noregur og Evrópumeistarar Frakklands sátu hjá í drættinum í dag og taka sjálfkrafa þátt í EM 2024.