U-21 karla | Stórsigur á Mexíkó

U-21 ára landslið karla hóf í dag milliriðlakeppnina um sæti 17.-30. þegar liðið mætti Mexíkó. Fjótlega var ljóst að íslenska liðið væri miklu sterkara en Ísland komst í 5 -1 og var síðan yfir í hálfleik 16 – 8.

Það sama var upp á teningnum í seinni hálfleik þar sem íslenska liðið var sterkara á öllum sviðum og unnu að lokum 41 – 24 sigur.

Markaskor Íslands í leiknum: Sigurður Snær Sigurjónsson 8, Hans Jörgen Ólafsson 7, Eiður Rafn Valsson 6, Sigurður Páll Matthíasson 4, Andri Fannar Elísson 3, Bjarki Jóhannsson 3, Elmar Erlingsson 3, Birkir Snær Steinsson 2, Þorvaldur Örn Þorvaldsson 2, Össur Haraldsson 2 og Ívar Bessi Viðarsson 1.

Í markinu stóð Breki Hrafn Árnason allan tímann og varði 15 skot eða 38%.

Á morgun tekur við lokaleikur riðilsins sem er jafnfram úrslitaleikur riðilsins gegn Marokkó en bæði lið eru með 4 stig og hefst leikurinn kl. 09:45 á íslenskum tíma.