U-21 karla | Jafntefli við Færeyjar

U-21 ára landslið karla lék í morgun annan leik sinn á Heimsmeistaramóti U-21 ára liða þegar að lið mætti Færeyjum í Arena Katowice í Katowice í Póllandi.

Það var mikið skorað í upphafi leiks þar sem sókn liðanna var í fyrirrúmi en eftir 10 mínútur var staðan 7 – 7. Þá tóku Færeyingar frumkvæðið og hægt og bítandi komust þeir yfir en eftir 16 mínutur voru þeir komnir 15 – 10 yfir. Íslensku strákarnir gáfust þó ekki upp og náðu að minnka muninn fyrir hálfleik í að honum loknum var staðan 21 – 19 Færeyjum í vil.

Færeyingar héldu áfram að vera með yfirhöndina og létu áhlaup Íslands ekki á sig fá og eftir um 40 mínútur var munurinn kominn í 4 mörk 28 – 24. Íslensku strákarnir héldu þó áfram og náðu loksins að jafna þegar 6 mínútur voru eftir 32 – 32.

Lokamínúturnar voru æsispennandi en Ísland komst í fyrsta skiptið yfir 35 – 34 þegar rúm mínúta var eftir og svo í næstu sók unnu þeir boltann þegar Breki Hrafn varði úr dauðafæri. Ekki náðu strákanir að nýta sé síðstu sóknina og þegar um 8 sekúndur voru eftir fengu Færeyingar boltann og brunuðu upp völlinn en Össur tók á móti þeim við miðju og uppskar fyrir það brot rautt spjald og vítaskat til Færeyja. Færeyjar nýttu vítaskastið og dramatískt 35 – 35 jafntefli staðreynd.

Markaskor Íslands í leiknum: Elmar Erlingsson 17, Skarphéðinn Ívar Einarsson 6, Össur Haraldsson 6, Birkir Snær Steinsson 2, Hinrik Hugi Heiðarsson 2, Haukur Ingi Hauksson 1 og Þorvaldur Örn Þorvaldsson 1.

Í markinu varði Breki Hrafn Árnason 6 skot og Ísak Steinsson 4.

Á morgun er frídagur hjá strákunum en næsti leikur er á laugardaginn þegar liðið etur kappi við Norður-Makedóníu kl 12:00 á Íslenskum tíma.