U-21 karla | Flottur sigur á heimamönnum

U-21 ára landslið karla lék í dag leik í krossspili um sæti 17-20 á Heimsmeistaramótinu í Póllandi. Mótherjinn í dag voru heimamenn en leikið var í Arena Sosnowiec.

Jafnt var á með liðunum í byrjun leiks og skiptust liðin á að skora en eftir um 10 mínútur tóku Pólverjar frumkvæðið og voru yfir 13 -10 þegar fyrri hálfleikurinn var hálfnaður. Íslensku strákarnir létu það þó ekki á sig fá og voru fjótir að jafna 13-13 og eftir það skiptust lið á að skora á ný og þegar fyrri 30 mínúturnar voru búnar var jafnt 18-18.

Íslensku strákarnir komu grimmir til leiks í síðari hálfleiknum og eftir um 10 mínútna leik var staðan orðin 25-21 Íslandi í vil. Áfram héldu strákarnir að vera grimmir og refsa heimamönnum fyrir mistök sín og unnu að lokum öruggan 38-32 sigur.

Markaskor Íslands í leiknum: Elmar Erlingsson 11, Össur Haraldsson 8, Skarphéðinn Ívar Einarsson 5, Birkir Snær Steinsson 3, Þorvaldur Örn Þorvaldsson 3, Bjarki Jóhannsson 2, Hinrik Hugi Heiðarsson 2, Andri Fannar Elísson 1, Ívar Bessi Viðarsson 1, Sigurður Snær Sigurjónsson 1 og Sigurður Páll Matthíasson 1.

Í markinu stóð Breki Hrafn Árnason í fyrri hálfleik og varði 9 skot eða 33% og í þeim síðari varði Ísak Steinsson 8 skot eða 36% þeirra skota sem á hann komu.

Á morgun tekur við úrslitaleikur um 17. sæti mótsins þar sem mótherjinn verður Serbía en leikið verður aftur í Arena Sosnowiec og hefst leikurinn kl. 14:15 á íslenskum tíma.