U-21 karla | Annar stórsigur í milliriðli

U-21 ára landslið karla lék síðari leik sinn í milliriðli keppninnar um 17.-32. sætið á heimsmeistaramótinu fyrr í dag þegar mótherjinn var Marokkó. Leikurinn var úrslitaleikur um efsta sæti riðilsins.

Jafnræði var með liðunum til að byrja með og skiptust liðin á að skora en í stöðunni 5-4 fyrir Marokkó skoraði Ísland 5 mörk í röð og staðan orðin 9-5 Íslandi í vil. Marokkó gafst þó ekki upp og þegar fyrri hálfleikurinn var hálfnaður var staðan orðin jöfn 11-11. Það voru þó íslensku strákarnir sem enduðu hálfleikinn betur og voru yfir að honum loknum 20-15.

Íslensku strákarnir byrjuðu svo seinni hálfleikinn eins og þeir enduðu þann fyrri en eftir um 10 mínútur var kominn 10 marka munur 28-18. Strákarnir gáfu svo bara enn meira í og unnu að lokum stórsigur 48-28.

Markaskor Íslands í leiknum: Össur Haraldsson 11, Skraphéðinn Ívar Einarsson 8, Elmar Erlingsson 7, Birkir Snær Steinsson 4, Sigurður Páll Matthíasson 4, Þorvaldur Örn Þorvaldsson 4, Hans Jörgen Ólafsson 3, Sigurður Snær Sigurjónsson 3, Hinrik Hugi Heiðarsson 2, Haukur Ingi Hauksson 1 og Ívar Bessi Viðarsson 1.

Í markinu varði stóð Ísak Steinsson allan leikinn og varði 18 skot eða 39% þeirra skota sem á hann komu.

Með þessum úrslitum er ljóst að Ísland vinnu sinn riðil og mun Ísland því enda á að spila um sæti 17-20 á fimmtudag og föstudag. Fyrsti mótherji er annað hvort Argentína eða Pólland þau lið mætast síðar í dag.