Meistarakeppni HSÍ | Valur eru meistarar meistaranna

Í dag fór fram Meistarakeppni HSÍ þar sem Íslands- og deildarmeistarar Val og Bikarmeistarar Haukar léku í N1-höllinni.

Leikurinn fór rólega af stað en Valskonur leiddu fyrri hálfleikinn með tveimur mörkum, 9-7.

Markaskorun liðanna jókst þegar Valur steig fram úr um miðbik síðari hálfleiks sem endaði með 7 marka sigri Vals, 22-15.

Valur vann því fyrsta titil tímabilsins, til hamingju Valur.

Ólafur Árdal