Hvar endar Íslandsmeistaratitilinn?

Lokaúrslit handboltans eru hafin og spennan er í hámarki. Karlalið Fram er komið í bílstjórasætið og Valsmenn standa með bakið upp við vegg. Með sigri á fimmtudaginn getur Fram tryggt sér Íslandsmeistaratitilinn en leikurinn verður sýndur í opinni dagskrá í Sjónvarpi Símans.

Í kvöld hefst svo úrslitaeinvígið í Olís-deild kvenna milli Hauka og nýkrýndra Evrópubikarmeistara Vals, auðvitað í opinni dagskrá.

Áhorf á þjóðaríþrótt Íslendinga hefur aukist verulega síðustu tvö tímabil eftir tilkomu Handboltapassans. Aðgengi hefur aldrei verið betra en samkvæmt mælingum hafa nær 40.000 áhorfendur fylgst með stærstu leikjum tímabilsins. Nú þegar lokaúrslitin eru hafin mun áhorfið eflaust aukast enn frekar í takti við mikilvægi leikja. Aldrei áður hafa fleiri leikir verið sýndir í beinni útsendingu eða opinni dagskrá og áhorfendur hafa virkilega kunnað að meta útsendingar frá leikjum yngri flokka.