Aganefnd HSÍ | Úrskurður 05.05. '23

Úrskurður aganefndar 05. maí 2023

Eftirtalin mál lágu fyrir og var tekið til úrskurðar:

Jón Bjarni Ólafsson leikmaður FH hlaut útilokun með skýrslu vegna grófs leikbrots í leik FH og ÍBV í úrslitakeppni Olís deildar karla þann 04.05.2023. Dómarar meta að brotið falli undir reglu 8:5 a). Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.

Igor Mrsulja leikmaður Víkingur hlaut útilokun með skýrslu vegna mjög grófrar ódrengilegrar hegðunar í leik Fjölnis og Víkings í umspili Olís deildar karla þann 04.05.2023. Dómarar meta að brotið falli undir reglu 8:10 a). Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í eins leiks bann. Aganefnd vekur jafnframt athygli á stighækkandi áhrifum leikbanna, skv. 1. mgr. 11. gr. sömu reglugerðar.

Fleiri mál lágu ekki fyrir.

Úrskurðinn kváðu upp Sverrir Pálmason, Arnar Kormákur Friðriksson og Ágúst Karl Karlsson