U-17 karla | Tap með minnsta mun gegn Króatíu

U17 ára landslið karla lék sinn annan leik á sterku æfingamóti í Lille í Frakklandi nú fyrr í kvöld. Liðið lék gegn Króötum sem höfðu leikið gegn Svisslendingum deginum áður og unnið sannfærandi.

Leikurinn var í járnum nær allan fyrri hálfleikinn. Króatar voru hins vegar sterkir í lok hálfleiksins og höfðu tveggja marka forskot, 14-12. Í síðari hálfleik voru Króaatar alltaf skrefi á undan okkar mönnum þar til Íslendingar jöfnuðu 20-20 með gríðarlega sterkum varnarleik. Liðið hafði skipt úr 6-0 vörninni og í 5-1 þar sem hver boltinn á fætur öðrum vannst. Hins vegar voru það Króatar sem voru höfðu heppnina með sér í lokin og uppskáru sigur 24-23.

Íslenska liðið sýndi mikla baráttu í leiknum gegn hávöxnu og sterku króatísku liði. Með betri færanýtingu hefðið liðið unnið leikinn en markvörður Króata lokaði hreinlega markinu seinustu mínúturnar.

Næsti leikur liðsins er gegn Svisslendingum á morgun kl. 16:30 að íslenskum tíma.

Markaskor Íslands:

Kristófer Máni Jónasson - 6 mörk

Benedikt Gunnar Óskarsson - 4 mörk

Jakob Aronsson - 3 mörk

Ísak Gústafsson - 3 mörk

Arnór Viðarsson - 2 mörk

Arnór Ísak Hadsson - 1 mark

Ari Pétur Eiríksson - 1 mark

Tryggvi Garðar Jónsson - 1 mark

Gunnar Hrafn Pálsson - 1 mark

Tryggvi Þórisson - 1 mark

Markvarsla:

Brynjar Vignir Stefánsson - 5 skot / 31% varsla

Adam Thorstensen - 3 skot / 18% varsla

View this post on Instagram

Íslenska U17 ára lið karla þurfti að sætta sig við eins marks tap í hörkuleik gegn Króötum í kvöld 23-24. Flottur leikur hjá strákunum gegn frabæru liði. Tryggvi Garðar og Jakob áttu góðar innkomur í leiknum og voru sterkir varnarlega. Næsti leikur gegn Sviss kl. 16:30 á morgun #u17karla #aframisland

A post shared by
Handknattleikssamband Íslands (@hsi_iceland) on
Oct 26, 2018 at 11:24am PDT