Stórsigur á Slóvökum
handbolti2020
U-18 ára landslið karla vann stórsigur á Slóvökum nú í morgun á Sparkassen Cup í Þýskalandi 32-20. Staða í hálfleik var 12-10 fyrir Íslandi. Strákarnir léku frábærlega í síðari hálfleik og með frábærum varnarleik og góðri markvörslu vannst öruggur sigur.
Mörk Íslands í leiknum gerðu: Birkir Benediktsson 10, Ragnar Kjartansson 7, Hjalti Már Hjaltason 4, Þorgeir Davíðsson 4, Þórarinn Traustason 2, Henrik Bjarnason 2, Aron Dagur Pálsson 1, Sigtryggur Daði Rúnarsson 1 og Ómar Ingi Magnússon 1.
Í markinu átti Grétar Ari Guðjónsson stórleik og varði 17 bolta og Einar Baldvin Baldvinsson 5.
Síðar í dag mætir liðið úrvalsliði Saar um 5.sætið í mótinu.
