Úrslit karla I Hvað gerist í leik þrjú í kvöld?
Ingvar Örn
Þriðji leikur úrslitaeinvígis karla er framundan í N1 höllinni að Hlíðarenda í kvöld þar sem Valsarar taka á móti FH-ingum. Staðan er 1-1 í einvíginu og nú reynir á liðin.
Valsarar tóku forystuna á heimavelli í fyrsta leik og FH-ingar svöruðu með öflugri frammistöðu í Kaplakrika síðastliðið mánudagskvöld. Þriggja marka munur var í hálfleik, 18-15, heimamönnum í vil og þá forystu létu þeir aldrei af hendi. FH-ingar skoruðu fyrstu þrjú mörk síðasti hálfleiks og staðan því orðin 21-15 og ljóst að róður Valsara yrði erfiður þetta kvöldið.
Sigur FH-inga var í raun aldrei í hættu og góð frammistaða á báðum endum vallar skóp góðan 31-25 sigur. Það varð því ljóst að einvígið yrði að minnsta kosti fjórir leikir sem er frábært fyrir okkur sem fylgjumst með utan vallar. Meiri handbolti - meira fjör!
Næsti leikur er kl. 19:30 í kvöld þar sem Valsarar eiga heimaleik. Við hvetjum ykkur sem flest til að fylla N1 höllina að Hlíðarenda og styðja ykkar lið til sigurs og handboltaáhugafólk viljum við einnig sjá á svæðinu að horfa á skemmtilega baráttu tveggja bestu liða landsins.
Miðasala á allt úrslitaeinvígið fer fram á stubb.is eða í Stubbur appinu.
Leikurinn er sýndur í opinni dagskrá Sjónvarps Símans og hefst útsending kl. 19:15. Lýsendur og sérfræðingar greina leikinn fyrir leik, í hálfleik og eftir leik.
#hjartaðíboltanum
