Lokahófi HSÍ aflýst vegna dræmrar miðasölu
Daníel Franz
Handknattleikssamband Íslands hefur ákveðið að aflýsa Lokahófi HSÍ sem átti að fara fram næstkomandi laugardag í Austurbæ. Ástæðan er dræm miðasala síðustu daga.
Lokahófið var auglýst fyrr á árinu sem endurkoma hins vinsæla viðburðar eftir nokkurra ára hlé og hafði sambandið vonast til að handboltahreyfingin myndi fjölmenna á viðburðinn.
Þeir sem þegar hafa keypt miða munu fá þá endurgreidda.
Lokahófið átti að marka ákveðin tímamót þar sem viðburðurinn hefur ekki verið haldinn síðan fyrir heimsfaraldur Covid-19. Haldið verður lokahóf með sama sniði og undanfarin ár í næstu viku þar sem verðlaunahafar verða boðaðir.
