A-landslið kvenna | Ísland klárar HM með sigri
Daníel Franz
A-landslið kvenna lék sinn síðasta leik á Heimsmeistaramótinu í Þýskalandi þegar liðið mætti Færeyjum.
Ísland byrjaði leikinn af miklum krafti og leiddi stóran hluta fyrri hálfleiks. Að honum loknum var staðan 14–12 Íslandi í vil.
Stelpurnar héldu áfram á sömu braut í seinni hálfleik og mestur varð munurinn sex mörk. Að lokum endaði leikurinn 33–30 fyrir Íslandi og þar með staðfestur sigur í lokaleik liðsins á HM.
Markaskorarar Íslands
- Elín Klara Þorkelsdóttir – 7
- Katrín Tinna Jensdóttir – 6
- Thea Imani Sturludóttir – 4
- Sandra Erlingsdóttir – 4
- Elín Rósa Magnúsdóttir – 3
- Þórey Anna Ásgeirsdóttir – 3
- Dana Björg Guðmundsdóttir – 2
- Elísa Elíasdóttir – 2
- Rakel Oddný Guðmundsdóttir – 1
- Matthildur Lilja Jónsdóttir – 1
Hafdís Renötudóttir varði 9 skot í íslenska markinu.
Ísland lýkur því leik á HM með 2 stig í milliriðli. Stelpurnar þakka kærlega fyrir stuðninginn, bæði úti í Þýskalandi og heima á Íslandi.
