A-landslið karla | Ísland leikur í C-riðli í undankeppni EM 2028
Daníel Franz
Fyrr í kvöld var dregið í riðla fyrir undankeppni Evrópumóts karla 2028. Drátturinn fór fram í Lissabon í Portúgal þar sem línurnar fyrir komandi verkefni landsliðanna skýrðust.
Ísland var í fyrsta styrkleikaflokki fyrir dráttinn, eftir frábæran árangur á síðasta Evrópumóti þar sem liðið endaði í fjórða sæti. Sá árangur staðfestir stöðu Íslands meðal fremstu handboltaþjóða Evrópu og gefur góð fyrirheit fyrir komandi undankeppni.
Ísland dróst í C-riðil og mun þar mæta Serbíu, Úkraínu og Eistlandi. Leikirnir í riðlinum verða mikilvægir í baráttunni um sæti á lokamótinu og verður spennandi að fylgjast með gengi liðsins.
Undankeppnin fer fram í þremur landsliðsgluggum, í nóvember, mars og maí, þar sem markmiðið er skýrt – að tryggja sæti á EM 2028.
