Ísland mætir Færeyjum – spennandi áskorun framundan
Daníel Franz
Íslenska kvennalandsliðið í handbolta kom saman í Færeyjum í gær þar sem undirbúningur fyrir mikilvægan leik morgundagsins hefur staðið yfir af fullum krafti, bæði í gær og í dag. Nú er allt klárt fyrir átökin þegar Ísland mætir heimakonum í Færeyjum klukkan 18:00 í undankeppni EM.
Leikurinn verður sýndur í beinni á RÚV2 og ljóst að hann skiptir miklu máli í baráttunni um þátttöku á Evrópumótinu 2026.
Undir stjórn Arnar Pétursson hefur liðið undirbúið sig vel og stemningin í hópnum er góð. Leikmenn eru klárir í verkefnið og stefna endregið á að ná góðum úrslitum á morgun.
Færeyjar hafa sýnt það að þær geta veitt öllum liðum harða keppni og verða án efa erfiður andstæðingur á heimavelli. Það má því búast við hörkuleik í fullri þjóðarhöll Færeyja.
Allt er því til staðar fyrir spennandi leik – nú er bara að standa saman og styðja liðið okkar úr fjarlægð.
