Aganefnd HSÍ | Úrskurður 18.02.'26

Aganefnd HSÍ | Úrskurður 18.02.'26

Úrskurður aganefndar 18. febrúar 2026

Eftirtalið mál lá fyrir og var tekið til úrskurðar:

Nökkvi Guðmundsson leikmaður HBH hlaut útilokun með skýrslu vegna sérstaklega hættulegrar aðgerðar í leik Hvíta Riddarans og HBH í Grill 66 deild karla þann 13.02.2026. Dómarar meta að brotið falli undir reglu 8:6 b). Í samræmi við 1. mgr. 3. gr. reglugerðar HSÍ um agamál var handknattleiksdeild HBH gefinn kostur á að skila athugasemdum vegna málsins.

Greinargerð handknattleiksdeildar HBH hefur borist aganefnd sem hefur kynnt sér þau sjónarmið er þar koma fram sem og myndbandsupptökur af leikbrotinu. Telur aganefnd framangreind gögn ekki gefa tilefni til að hverfa frá mati dómara leiksins á leikbrotinu eins og því er lýst í skýrslu dómara. 

Með vísan til framangreinds er leikmaðurinn úrskurðaður í þriggjað leikja bann, sbr. 10. gr. reglugerðar um agamál.  Aganefnd vekur athygli á stighækkandi áhrifum útlokana vegna slíkra brota, skv. 11. gr. sömu reglugerðar.

Leikbannið tekur gildi kl. 12.00 á hádegi þann 19. febrúar 2026, sbr. 1. mgr. 7. gr. reglugerðar HSÍ um agamál.

Fleiri mál lágu ekki fyrir.

Úrskurðinn kváðu upp Sverrir Pálmason, Arnar Kormákur Friðriksson og Ágúst Karl Karlsson