Aganefnd HSÍ | Úrskurður 17.03.'26

Aganefnd HSÍ | Úrskurður 17.03. '26

Úrskurður aganefndar 17. mars 2026

Eftirtalin mál lágu fyrir og var tekið til úrskurðar:

1. Stefán Magni Hjartarson leikmaður Aftureldingar hlaut útilokun með skýrslu vegna sérstaklega hættulegrar aðgerðar í leik Selfoss og Afturelding í Olís deild karla þann 12.03.2026. Dómarar meta að brotið falli undir reglu 8:6 a). Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í eins leiks bann. Aganefnd vekur athygli á stighækkandi áhrifum útlokana vegna slíkra brota, skv. 1. mgr. 11. sömu reglugerðar.

Leikbannið tekur gildi kl. 12.00 á hádegi þann 19. mars 2026, sbr. 1. mgr. 7. gr. reglugerðar HSÍ um agamál.

2. Oddur Grétarsson leikmaður Þórs hlaut útilokun með skýrslu vegna grófrar ódrengilegrar hegðunar í leik Þórs og KA í Olís deild karla þann 12.03.2026. Dómarar meta að brotið falli undir reglu 8:5 c). Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.

3. Einar Jónsson starfsmaður Hauka hlaut útilokun með skýrslu vegna grófrar ódrengilegrar hegðunar í leik Selfoss 2 og Hauka 2 í  Grill 66 deild karla þann 11.03.2023. Dómarar leiksins meta það svo að rauða spjaldið á starfsmanninn hafi verið rangur dómur. Niðurstaða aganefndar er því að ekki skuli aðhafst frekar í málinu og að brotið skuli ekki hafa ítrekunaráhrif samkvæmt 11. gr. reglugerðar HSÍ um agamál.

Fleiri mál lágu ekki fyrir.

Úrskurðinn kváðu upp Sverrir Pálmason, Arnar Kormákur Friðriksson og Ágúst Karl Karlsson