HSI | HM 2031 haldið á Íslandi, Noregi og Danmörku

HSI | HM 2031 haldið á Íslandi, Noregi og Danmörku

Í fyrsta skipti síðan 1995 fer stórmót í handknattleik fram á Íslandi. Alþjóðlega handknattleikssambandið ákvað fyrr í dag að Heimsmeistaramót karla í handknattleik árið 2031 fari fram á Íslandi en auk þess fer mótið einnig fram í Danmörku og Noregi.

Ísland, Danmörk og Noregur eru meira en tilbúin til að halda Heimsmeistaramót sem á eftir að vekja athygli um allan heim. Handknattleikssambönd þjóðanna hafa þegar sameinað krafta sína og hafa stórar hugmyndir þegar kemur að mótahaldinu sjálfu.

Löndin eru vel í stakk búin til að halda farsælt heimsmeistaramót. Með sameiginlegri reynslu og djúpar rætur í handknattleikssamfélaginu má öllum vera ljóst að hér verður um að ræða mót þar sem fer saman frábær upplifun í uppseldum íþróttahöllum með mikla fjölmiðlaumfjöllun. Ekki má gleyma hlut aðdáenda, mikið verður lagt í að gera þeirra hlut sem stærstan í þessari hátíð.

Handknattleikur er í hjarta þessara þjóða sem geta ekki beðið eftir að fá að halda þetta mót.

Morten Stieg Christiansen, formaður danska handknattleikssambandsins:

“Við erum bæði stollt og spennt yfir því að fá HM í handknattleik 2031 til Danmerkur, í samstarfi við Noreg og Ísland. Þetta verður ein allsherjar handboltahátíð þar sem bestu lið í heimi munu búa til ógelymanleg augnablik fyrir áhorfendur og veita næstu kynslóð innblástur til frekari afreka. Í samstarfi við frændur okkar á Norðurlöndunum munum við leggja mikið á okkar til að búa til ógleymanlegan viðburð.”

Kåre Geir Lio, formaður norska handknattleikssambandsins:

“Við erum í skýjunum með að hafa fengið úthlutað Heimsmeistaramótinu í handknattleik 2031 í samstarfi við Dani og Íslendinga. Þetta mót á eftir að sýna getu og breidd handknattleiks á Norðurlöndunum, bæði menninguna og andrúmsloftið. Við höfum nú þegar unnið með Dönum nokkrum sinnum og nú hlakkar okkur mikið til að fá Íslendinga inn í það samstarf. Það er mikil spenna í okkar herbúðum.”

Guðmundur B. Ólafsson, formaður HSÍ:

“Við erum í skýjunum með tilnefninguna og fá þar með að halda Heimsmeistaramótið ásamt félögum okkar í Danmörku og Noregi. Þessi mikli heiður sýnir líka metnað okkar í þjóðaríþróttinni. Þetta sameiginlega átak okkar lyftir ekki bara íþróttinni hér á Íslandi heldur sýnir líka að minni þjóðir eiga möguleika að taka þátt í skipulagningu stórmóta með alþjóðlegu samstarfi.”

Lars Lundov, framkvæmdastjóri Sport Event Denmark

“Að fá úthlutað Heimsmeistaramótið í handknattleik 2031 er frábært viðurkenning á því starfi og mótahaldi sem hefur verið unnið í handknattleik í Danmörku, Noregi og á Íslandi. Ásamt því að halda frábært mót fyrir bæði handknattleiksfólk og alla aðdáendur íþróttarinnar, þá ætlum við líka sýna IHF og framtíðarmótshöldurum hvernig svona mót á að halda í framtíðinni. Fyrir 4 mánuðum síðan héldu Danmörk, Noregur og Svíþjóð frábært Heimsmeistaramót kvenna og eftir einungis 9 mánuði fer Heimsmeistaramót karla fram, að hluta til einnig hér í Danmörku.”

Heimsmeistaramótið árið 2031 verður í sjöunda skipti sem Danmörk og Noregur taka að sér sameiginlegt mótahald en þetta verður í fyrsta skipti sem Ísland tekur þátt í samstarfinu.

Fyrri heimsmeistaramót sem hafa farið fram á Norðurlöndunum:

1954, Svíþjóð

1967, Svíþjóð

1978, Danmörk

1993, Svíþjóð

1995, Ísland

2011, Svíþjóð

2019, Danmörk (og Þýskaland)

2023, Svíþjóð (og Pólland)

2025, Danmörk, Noregur (og Króatía)

2031, Danmörk, Noregur og Ísland