Aganefnd HSÍ | Úrskurður 16.05. '23
Róbert Geir Gíslason
Úrskurður aganefndar 16. maí 2023
Eftirtalin mál lágu fyrir og var tekið til úrskurðar:
- Magnús Dagur Jónatansson leikmaður KA hlaut útilokun með skýrslu vegna gáleysislegrar aðgerðar í leik Fram og KA í 3. flokki karla þann 12.05.2023. Dómarar meta að brotið falli undir reglu 8:6 a). Með tilvísun í 10. gr. reglugerðar HSÍ um agamál er það niðurstaða aganefndar að leikmaðurinn er úrskurðaður í eins leiks bann. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
- Daníel Stefán Reynisson leikmaður Fram hlaut útilokun með skýrslu vegna grófrar ódrengilegrar hegðunar í leik Fram og KA í 3. flokki karla þann 12.05.2023. Dómarar meta að brotið falli undir reglu 8:9 d). Með tilvísun til 10. gr. reglugerðar HSÍ um agamál er það niðurstaða aganefndar að ekki skuli aðhafst frekar vegna málsins. Aganefnd vekur þó athygli á stighækkandi áhrifum útlokana vegna slíkra brota, skv. 2. mgr. 11. sömu reglugerðar.
Fleiri mál lágu ekki fyrir.
Úrskurðinn kváðu upp Sverrir Pálmason, Arnar Kormákur Friðriksson og Ágúst Karl Karlsson
