A landslið karla l 19 manna hópur fyrir leikina gegn Svíþjóð
handbolti2020
Guðmundur Þ. Guðmundsson hefur valið 19 leikmenn til æfinga vegna landsleikjanna gegn Svíþjóð í lok október.
Liðið hittist í Reykjavík og æfir þar 21. - 23. október en fimmtudaginn 24. október heldur hópurinn til Svíþjóðar þar sem leiknir verða tveir vináttulandsleikir gegn heimamönnum. Fyrri leikurinn fer fram föstudaginn 25. október kl. 17.00 í Kristianstad og sá síðari sunnudaginn 27. október kl. 15:00 í Karlskrona. Athugið að þetta eru íslenskir tímar.
Ef rýnt er í fyrri viðureignir liðanna má sjá að liðin hafa mæst 14 sinnum frá því í umspilinu fræga um sæti á HM 2007 (þeir leikir meðtaldir). Strákarnir okkar hafa unnið 5 leiki, einu sinni varð jafntefli en 8 sinnum hafa Svíar farið með sigur af hólmi. Svíar hafa verið í fremstu röð undanfarin ár og lentu m.a. í 2. sæti á EM 2018. Það er tveir hörkuleikir sem bíða strákanna okkar í Svíþjóð og verða þeir án efa frábær undirbúningur fyrir EM sem hefst 11. janúar í Malmö í Svíþjóð.
Leikir Íslands og Svíþjóðar síðan 2006:
12.jan. 2018 Split Ísland - Svíþjóð 26-24 EM 2018
28.okt. 2017 Laugardalshöll Ísland - Svíþjóð 24-27
26.okt. 2017 Laugardalshöll Ísland - Svíþjóð 31-29
11.jún. 2017 Elverum Ísland - Svíþjóð 23-23
16.jan. 2015 Doha Ísland - Svíþjóð 16-24 HM 2015
9.jan. 2015 Kristianstad Ísland - Svíþjóð 24-30
8.jan. 2013 Helsingborg Ísland - Svíþjóð 29-31
2.ágú. 2012 London Ísland - Svíþjóð 33-32 ÓL 2012
7.des. 2010 Halmstad Ísland - Svíþjóð 26-31
4.jan. 2009 Malmö Ísland - Svíþjóð 28-35
1.jún. 2008 Wroklaw Ísland - Svíþjóð 29-25 undakeppni ÓL 2008
17.jan. 2008 Þrándheimur Ísland - Svíþjóð 19-24 EM 2008
17.jún. 2006 Laugardalshöll Ísland - Svíþjóð 25-26 umspil HM 2007
11.jún. 2006 Globen Ísland - Svíþjóð 32-28 umspil HM 2007
Hópurinn er eftirfarandi:
Markmenn:
Ágúst Elí Björgvinsson, IK Sävehof 29/0
Grétar Ari Guðjónsson, Haukar 7/0
Viktor Gísli Hallgrímsson, GOG 7/0
Vinstra horn:
Bjarki Már Elísson, Lemgo 61/136
Vinstri skytta:
Aron Pálmarsson, Barcelona 139/545
Ólafur Guðmundsson, IFK Kristianstad 113/207
Leikstjórnendur:
Elvar Örn Jónsson, Skern 24/74
Gísli Þorgeir Kristjánsson, Kiel 21/28
Haukur Þrastarsson, Selfoss 10/9
Janus Daði Smárason, Aalborg Håndbold 35/41
Hægri skytta:
Kristján Örn Kristjánsson, ÍBV 5/11
Teitur Einarsson, IFK Kristianstad 16/15
Hægra horn:
Arnór Þór Gunnarsson, Bergischer HC 105/311
Sigvaldi Guðjónsson, Elverum 18/31
Línumenn:
Arnar Freyr Arnarsson, GOG 45/65
Elliði Snær Viðarsson, ÍBV 4/3
Sveinn Jóhannsson, Sönderjyske 5/14
Ýmir Örn Gíslason, Valur 31/14
Varnarmenn:
Daníel Þór Ingason, Esbjerg 30/
Þeir Guðjón Valur Sigurðsson, Stefán Rafn Sigurmannsson, Ólafur Gústafsson og Ómar Ingi Magnússon eiga allir við smávægileg meiðsli að stríða og eru því ekki valdir að þessu sinni.
