Guðmundur Guðmundsson, landsliðsþjálfari valdi í gærkvöldi þá sextán leikmenn sem héldu nú í morgunsárið til Portúgals. Strákarnir okkar leika gegn heimamönnum þar ytra á miðvikudaginn kl. 19:30 og verður leikurinn í beinni útsendingu á RÚV. Hópurinn kemur svo heim strax á fimmtudaginn og hefja þá undirbúning sinn fyrir heimaleik sinn gegn Portúgal sem fram fer á Ásvöllunn sunnudaginn 10. janúar kl. 16:00. Leikið verður hér heima án áhorfenda en leikurinn verður í beinni á RÚV. Leikirnir tveir eru í undankeppni EM 2022.
Leikmannahópur Íslands er eftirfarandi í stafrófsröð:
Nafn: Félag: Leikir: Mörk:
Alexander Petersson Die Rhein-Necker Löwen 181 719
Arnar Freyr Arnarsson MT Melsungen 52 69
Arnór Þór Gunnarsson Die Bergische HC 114 332
Ágúst Elí Björgvinsson KIF Kolding 31 0
Bjarki Már Elísson TBV Lemgo Lippe 71 165
Elvar Örn Jónsson Skjern Håndbold 35 92
Gísli Þorgeir Kristjánsson SC Magdeburg 24 32
Janus Daði Smárason Frisch Auf Göppingen 46 66
Kári Kristján Kristjánsson ÍBV 145 178
Oddur Grétarsson HBW Balingen 18 31
Ólafur Andrés Guðmundsson IFK Kristianstad 123 230
Ómar Ingi Magnússon SC Magdeburg 47 129
Sigvaldi Björn Guðjónsson Vive Tauron Kielce 28 54
Viggó Kristjánsson TVB 1898 Stuttgart 11 21
Viktor Gísli Hallgrímsson GOG Håndball 18 0
Ýmir Örn Gíslason Die Rhein-Necker Löwen 42 20
Fjórir leikmenn úr æfingahópi HM verða eftir heima við æfingar en það eru Björgvin Páll Gústavsson, Elliði Snær Viðarsson, Kristján Örn Kristjánsson og Magnús Óli Magnússon.
