Í tilefni þess að undir 17 ára landslið karla tryggði sér fyrsta sæti á Ólympíuhátíð Evrópuæskunnar, sem fram fór í Norður Makedóníu 18.-26.júlí síðastliðin, þá stóð Handknattleikssamband Íslands fyrir móttöku fyrir leikmenn, þjálfara og fjölskyldur þeirra í Minigarðinum í gærkvöldi.

Spilamennska liðsins á mótinu var til fyrirmyndar en á leið sinni í úrslitin lögðu drengirnir sterkar handknattleiksþjóðir og má þar helst nefna Spán, Króatíu og Ungverjaland. Í úrslitum mættu drengirnir okkar Þjóðverjum í spennandi leik sem lauk með sigri Íslands 28-25.

Þetta var í fyrsta skipti sem íslenskt lið vinnur gullverðlaun á Ólympíuhátíð Evrópuæskunnar og fer titillinn því í sögubækurnar.

Gunnar Róbertsson endaði sem markakóngur mótsins með 43 mörk, eða 8,6 mörk að meðaltali í leik.

Það var því svo sannarlega tilefni til að fagna árangri liðsins í gærkvöldi en liðið var skipað eftirfarandi leikmönnum :

Markverðir:
Anton Máni Francisco Heldersson, Valur.
Sigurmundur Gísli Unnarsson, ÍBV.
Aðrir leikmenn:
Alex Unnar Hallgrímsson, Fram.
Anton Frans Sigurðsson, ÍBV.
Bjarki Snorrason, Valur.
Freyr Aronsson, Haukar.
Gunnar Róbertsson, Valur.
Kári Steinn Guðmundsson, Valur.
Kristófer Tómas Gíslason, Fram.
Logi Finnsson, Valur.
Matthías Dagur Þorsteinsson, Stjarnan.
Ómar Darri Sigurgeirsson, FH.
Örn Kolur Kjartansson, Valur.
Patrekur Smári Arnarsson, ÍR.
Ragnar Hilmarsson, Selfossi.

Aðalþjálfari liðsins var Ásgeir Örn Hallgrímsson og honum til aðstoðar voru þeir Andri Sigfússon og Snorri Steinn Guðjónsson. Ellert Ingi Hafsteinsson var sjúkraþjálfari liðsins.

Meðfylgjandi mynd tók Eyþór Árnason á mbl.is.