U-20 karla | Tap á móti Þjóðverjum - Spánn á morgun, bein útsending

Ísland spilaði við Þjóðverja í dag á æfingamóti fyrir Evrópumeistaramót U-20 ára landsliða. Leikurinn endaði með 2 marka sigri Þjóðverja, 28-30.



Þjóðverjar mættu ákveðnari til leiks, komust í 4-7 eftir 10 mín og leiddu með 2-4 mörkum allan fyrrihálfleik. Hálfleiksstaða 13-15 fyrir Þjóðverjum.



Þjóðverjar byrjuðu betur í síðari hálfleik og náðu fljótlega 4 marka forustu. Strákarnir gáfust þó ekki upp og jöfnuðu muninn 19-19 á 40. mín. Þjóðverjar náðu þó fljótlega aftur forustu og leiddu með 1-3 mörkum. Íslendingar náðu aldrei að jafna aftur og endaði leikurinn sem fyrr segir með 2 marka tapi, 28-30.



Maður leiksins var valinn Arnar Freyr Arnarsson.



Markaskorarar:

Ómar Ingi Magnússon - 6 mörk

Óðinn Þór Ríkharðsson - 5 mörk

Arnar Freyr Arnarsson - 3 mörk

Aron Dagur Pálsson - 3 mörk

Elvar Örn Jónsson - 3 mörk

Gísli Kristjánsson - 3 mörk

Hákon Daði Styrmisson - 2 mörk

Ýmir Gíslason - 2 mörk

Leonharð Harðarsson - 1 mark



Markmenn:

Bernharð Jónsson - 3/18 (17%), spilaði allan fyrri hálfleik

Einar Baldvinsson - 4/19 (22%), spilaði allan seinni hálfleik.




Nánari upplýsingar um tölfræði og framgang leiksins má sjá á liveticker Svissneska sambandsins




Næsti leikur Íslands er á morgun kl 08:30 á móti Spánverjum. Sem unnu Svisslendinga í dag í með 26 mörkum gegn 25.
Verður leikurinn í beinni útsendingu á handballtv.ch.