Landsliðskonur í fótbolta og handbolta afhentu Barnaspítala Hringsins veglega gjöf
handbolti2020
Landsliðskonur úr fótboltanum og handboltanum afhentu í dag Barnaspítala Hringsins veglega gjöf eða 400.000 krónur sem söfnuðust í góðgerðarleik sem liðin léku milli jóla og nýárs. Keppt var í fótbolta og handbolta en vel var mætt á viðburðinn sem tókst framar vonum.
Forsvarsmenn Barnaspítala Hringsins afhentu landsliðskonunum við þetta tækifæri þakkarskjal frá spítalanum og höfðu á orði að peningarnir myndu nýtast barnaspítalanum vel.
Það voru landsliðskonurnar Margrét Lára Viðarsdóttir, Anna María Baldursdóttir, Elín Metta Jensen og Rakel Hönnudóttir úr fótboltanum og Guðný Jenný Ásmundsdóttir og Hanna Guðrún Stefánsdóttir sem afhentu gjöfina í dag.
