Evrópukeppnir | 6 íslensk lið taka þátt í Evrópukeppnum

6 íslensk lið munu taka þátt í Evrópukeppnum á næsta tímabili.

Líkt og á síðasta ári fá Íslandsmeistarar karla þátttökurétt í Evrópudeildinni auk sigurvegara bikarkeppninnar. Bæði Fram og Stjarnan hafa staðfest að þau ætli sér að taka þátt.

Íslandsmeistarar kvenna fær rétt til þátttöku Evrópudeildarinnar og hefur Valur staðfest sína þátttöku.

Ekki er komið á hreint hvort Valur fái beint sæti eða þurfi að fara í gegnum umspil.

Þá hefur FH skráð sig til leiks í Evrópubikar karla og kvennalið Hauka og Selfoss taka þátt í Evrópubikar kvenna.

HSÍ óskar þessum liðum til hamingju með sætin sín og minnir á mikilvægi Evrópukeppninnar fyrir íslenskan handbolta.