A landslið karla | Janus Daði dregur sig úr landsliðshópnum
Kjartan Ólafsson
Vegna meiðsla hefur Janus Daði Smárason ákveðið að draga sig úr íslenska landsliðinu sem keppir á HM í Egyptalandi. Janus Daði hefur átt við meiðsli að stríða í öxl að undaförnu og ágerðust meiðslin hér úti. Í samráði við Guðmund Guðmundsson, landsliðsþjálfara og sjúkrateymi landsliðsins hefur Janus því ákveðið að draga sig úr hópnum og heldur hann til síns heima á þriðjudaginn.
Við þökkum Janusi Daða fyrir hans þáttöku á mótinu og samveruna frá því að landsliðið kom saman á Íslandi 2. janúar sl.
